Svínalundir í ostasósu

Innihald:

  • 1 stk PAPRIKA, rauð
  • 1 stk OSTUR, Papriku
  • 250 gr HRÍSGRJÓN, BASMATI
  • 1 kg SVÍNALUNDIR, hráar
  • 1 stk SPERGILKÁL, hrátt
  • 50 gr SMJÖR
  • 1 tsk SALT, borðsalt
  • 4 dl RJÓMI
  • 1 tsk PIPAR, svartur
  • 150 gr OSTUR, Óðals -

Aðferð:

  1. Skerið lundirnar þvert á vöðvann og berjið þær létt með hnúanum.
  2. Stráið salti og pipar yfir.
  3. Brúnið í smjöri á pönnu.
  4. Leggið í eldfast mót.
  5. Gufusjóðið brokkolíið en aðeins í mjög stuttan tíma og raðið því svo ofan á lundirnar í mótinu.
  6. Skerið paprikuna í strimla.
  7. Notið nú vatnið af brokkolíinu og setjið ostana út í og rjómann.
  8. Þykkið sósuna með jafnara og setjið paprikuna útí.
  9. Að lokum er sósunni hellt yfir lundirnar og brokkolíið í mótinu og bakað í 200 gráðu heitum ofni í ca 30-40 mín.

Mjög gott er að bera þetta fram með hrísgrjónum.


Stjörnugjöf:  
Vínráðgjafar mæla með þessu víni með tilteknum rétti:
Bach Extrísimo Semi Dulce
Tegund: Hvítvín
Land: Spánn
Lýsing: Vín sem að hentar einkar vel með fiskréttum, fiskisúpum,gráðosti,ljósu kjöti og sætum eftirréttum.