Grískur kjúklingaréttur

Innihald:

  • 2 dl HRÍSGRJÓN, hvít, póleruð, hrá
  • 1 dl CAPERS
  • 0.5 dl OREGANO
  • 6 stk LÁRVIÐARLAUF
  • 200 gr BLANDAÐ SALAT
  • 2 dl SVESKJUR
  • 1 dl STEINSELJA
  • 2 tsk SALT, borðsalt
  • 2 dl PÚÐURSYKUR
  • 2 tsk PIPAR, svartur
  • 1 dl ÓLÍFUR, grænar
  • 1 dl ÓLÍFUOLÍA
  • 1.5 kg KJÚKLINGUR, með skinni, hrár
  • 2 dl HVÍTVÍN, millisætt
  • 20 gr HVÍTLAUKUR, hrár
  • 1 dl Edik, rauðvíns

Aðferð:

Kjúklingabitunum er raðað í frekar djúpt eldfast mót. Öllum vökva og öllu kryddi, fyrir utan steinseljuna, er hellt yfir kjúklinginn. Ólífum, capers, sveskjum, lárviðarlaufum og hvítlauksrifjum er raðað á milli kjúklingabitanna og svo er saltað og piprað rausnarlega. Látið kjúklinginn marinerast í leginum í a.m.k. 45 mín. (Það er í góðu lagi að marinera hann deginum áður en munið þá bara að láta hann standa inn í ísskáp!)

Púðursykrinum er svo stráð yfir áður en rétturinn er settur inn í 185°C heitan ofn í um 40-50 mín. eða þar til  sykurinn er bráðnaður og húðin á kjúklingnum stökk. Sáldrið ferskri steinseljunni yfir og berið fram með hrísgrjónum og fersku salati.

Uppskrift fengin af yndisauki.is


Stjörnugjöf:  
Vínráðgjafar mæla með þessu víni með tilteknum rétti:
Jacob's Creek Chardonnay
Tegund: Hvítvín
Land: Ástralía
Lýsing: Frábært eitt og sér en hentar sérstaklega vel með sjávarréttum af ýmsu tagi. Silungur og bleikja passa einnig vel með sem og salöt og kjúklingur.