Húsráð byggja á reynslu og hafa oft og tíðum fylgt ættum eða jafnvel þjóðum mann fram af manni áratugum saman. Hvert svo sem vandamálið er þá er lausnin oft nær en margan grunar, enda eru miklar líkur á að einhver annar hafi þegar glímt við það og fundið á því lausn.
HVERNIG SÝÐUR MAÐUR KARTÖFLUR OG GRÆNMETI?
Best er að nota pott sem passar vel utan um grænmetið og setja nógu mikið vatn sem þekur alveg grænmetið. Grænmeti þarf að sjóða í 7-15 mínútur (spergilkál þarf minni suðu en t.d. gulrætur og kartöflur þurfa lengri tíma). Þumalputtaregla fyrir meðalstórar kartöflur er að sjóða þær í 20 mínútur. Til að flýta fyrir suðu er gott að skera niður grænmeti áður en það fer í pottinn. Gott er að nota 1/4 tsk af salti út í suðuvatnið.
